Островот за малку не остана без вода: Шведската полиција истражува обид за саботажа на Готланд, одекнуваат зборовите на началникот на Генералштабот

109
EPA-EFE/JOHAN NILSSON SWEDEN OUT

Според информациите на шведскиот весник, чинот на саботажа на Готланд бил откриен вчера, во раните вечерни часови.

Според изворите, можната саботажа, доколку не се открие, можела да резултира целиот остров Готланд да остане без вода.

Шведската служба за безбедност (Сапо) потврди дека била запознаена со инцидентот што се случил вчера, а и регионот Готланд утринава потврди дека водоводот на островот бил цел на сериозна саботажа.

Менаџерот на единицата за вода и канализација во регионот Готланд, Патрик Јохансон, рече дека е очигледно дека некој сака да ги запре пумпите за вода и дека тоа „не е случаен чин“.

Целта на Путин на Балтикот
Да потсетиме, началникот на Генералштабот на шведските вооружени сили, Пер Микаел Биден, пред нешто помалку од една година изјави дека рускиот претседател Владимир Путин сака да доминира на Балтичкото Море и затоа му е потребен шведскиот остров Готланд.

Тој рече дека Русија е особено заинтересирана за Готланд, најголемиот остров во Шведска, кој се наоѓа на околу 330 километри северно од руската ексклава Калининград и каде е сместена руската балтичка флота и дека е стратешки важен за одбраната на регионот на Балтичкото Море.

– Убеден сум дека Путин двете очи ги има вперено во Готланд. Целта на Путин е да ја преземе контролата над Балтичкото Море. Кој го контролира Готланд го контролира Балтичкото Море – изјави шведскиот генерал во интервју за германската РНД.

ИЗДВОЕНИ