Островот Крит непрепознатлив по невремето

Силно невреме ги погоди грчките острови, а најлоша е состојбата на Крит, објави Прототема.

На Парос и Миконос, властите се зафатени со отстранување на превртените автомобили и остатоци по силните дождови и град. Невремето во понеделникот предизвика поплави на Парос. Локалните власти побараа итна владина помош за поправка на патишта и инфраструктура. И соседниот Миконос беше погоден од силен град и бурни ветрови.

Greece is facing intense flooding as powerful storms continue to hammer several islands. Crete has been hit the hardest, with landslides blocking roads and emergency teams rescuing people stranded by rising waters. Meanwhile, Paros has seen entire streets turn into rivers,… pic.twitter.com/6iyrhvic3h

— Daily Info (@_DailyInfo__) April 1, 2025

На Крит спасувачките екипи евакуираа седум лица затрупани во возила поради поројни поплави. Исто така, забележани се лизгање на карпи и затворање на патишта откако невремето во текот на ноќта се пресели југоисточно. Според податоците на Националната опсерваторија во Атина, најобилните врнежи во последните 24 часа имало во близина на пристаништето Ханија.

Floods hit Greek islands as powerful storm sweeps Cyclades

A violent storm with heavy rain has caused severe flooding across several Greek islands, including Paros and Mykonos. Other affected areas include Syros, Rhodes, Kos, and Symi, local outlet Protothema reports.

“In just… pic.twitter.com/IucgjLqnMh

— NEXTA (@nexta_tv) April 1, 2025

На Родос ураганските ветрови корнеа дрвја и оштетија возила. Поради невремето затворени се училиштата на неколку острови, а делумно или целосно е прекинат траектниот сообраќај. Катастрофите дојдоа само неколку недели откако серијата земјотреси го погодија Санторини и околните острови Иос, Аморгос и Анафи.

Силно невреме ги погоди Кикладите и Евија во понеделникот попладне, а предупредување беше издадено и за островите во источниот дел на Егејското Море, вклучувајќи ги Хиос, Самос и Икарија. Според грчката метеоролошка служба, највисоки дневни врнежи во понеделникот се забележани на Миконос – 71,6 милиметри, од кои 65 милиметри паднале во рок од два часа.