Никој во историјата не заработил толку многу од еден успех како британската тенисерка Ема Радукану. По сосема неочекуваниот триумф на САД Опен во 2021 година, спонзорите се наредија пред неа. Иако оттогаш никогаш не беше блиску до сличен успех и нема одиграно ниту едно финале – полуфиналето на скромниот турнир во Сеул е нејзин најдобар резултат – таа сè уште заработува огромни суми надвор од теренот.
Според проценката на „Спортик“, минатата година Радукану била седмата најплатена спортистка, со околу 13 милиони евра. Главната причина е во нејзините податоци: игра за Британија, но нејзината мајка е од Кина, каде што има десетици милиони следачи.
Меѓутоа, сега, како што тврди „Дејли мејл“, таа добила голем удар по џебот. Една од најголемите компании за мобилни телефони на островот не го продолжила договорот од три милиони фунти со неа.
Причината е неверојатна: Радукана, која се наоѓа на само 47. место на светската листа, а многу долго беше надвор од топ- 100, па дури и 200, побарала повеќе пари во новиот договор.
На ова треба да се додаде фактот дека во октомври минатата година мораше да го врати автомобилот од 125.000 фунти што ѝ беше даден да го користи. Јасно е дека полека се откажуваат спонзорите од неа.
– Таа ќе има сè повеќе проблеми да ги задржи спонзорите доколку не ги подобри значително своите резултати – ја цитира британскиот весник изјавата на експерт за маркетинг.
Од друга страна, Радукану заработи толку многу пари за толку мал успех од пред четири години што сè што ќе добие е вистински бонус.
На Флешинг Медоус, Британката стана првата тенисерка во историјата што стигнала до титулата на кој било грен-слем од квалификациите.
