Основачот на Амазон, Џеф Безос изјави дека е оптимист за вториот мандат на новоизбраниот претседател на Соединетите Американски Држави, Доналд Трамп и верува дека тој би можел да придонесе за намалување на регулативите во земјата.
„Овој пат сум всушност многу оптимист“, рече Безос на сцената за време на интервјуто на самитот во Њујорк, додавајќи дека Трамп се чини дека вложува многу енергија во намалувањето на регулативата.
„Ако можам да помогнам, ќе помогнам. Имаме премногу прописи во оваа земја“, додаде Безос.
Изјавата следуваше по одлуката на Безос во октомври да му забрани на Вашингтон пост, чиј сопственик е, да поддржи претседателски кандидат на американските избори, потег што доведе до тоа десетици илјади луѓе да ја откажат претплатата за весникот.
Во тоа време, Безос напиша дека уредничката поддршка создава перцепција за пристрасност во време кога многу Американци немаат доверба во медиумите.
За време на неговиот прв мандат, Трамп го критикуваше Безос и неговите компании, вклучувајќи ги Амазон и Вашингтон пост.
ИЗДВОЕНИ
Сиљановска Давкова: Предлогот на Костадинов е непристоен и значи непочитување и непризнавање
Јаневска: Мора да запре изработката на нарачани магистерски и докторски трудови за пари
Рендген-снимањата недостапни за скопјани, нема термини за итните упати
Станбениот квадрат стана поскап од златото, цената ќе се урива со новите државни станови!?
