„Дајмонд мол“ продолжува со поддршка на малите бизнис-иницијативи. Од 6 до 9 март, таму се одржува базар на ракотворби и 17 жени претприемачки и занаетчии ги презентираат своите уникатни производи.
Настанот, организиран во чест на Меѓународниот ден на жената, 8 Март, ја истакнува важноста на женското претприемништво и занаетчиство, обезбедувајќи простор за промоција, продажба и за афирмација на трудот на жените. Покрај рачно изработените предмети и уникатни производи, базарот има цел да ја подигне свеста за значајната улога на занаетчиите во зачувувањето на традицијата и на занаетчиските вештини.
Базарот е отворен за сите посетители, со можност да откријат автентични ракотворби изработени со посветеност и креативност, истовремено поддржувајќи ги жените што градат сопствен бизнис и ја негуваат занаетчиската традиција.
„Дајмонд мол“ е домаќин на иницијатива посветена на жените претприемачки и занаетчии, кои придонесуваат со своите креативност и посветеност за локалната економија.
