Зоолошката градина утре со почетокот во 12.30 часот подготвува настан по повод Светскиот ден на дивиот свет на Обединетите Нации (WWD).
Настанот ќе го организира во соработка со Национална галерија и Државниот училишен центар за образование и рехабилитација „Партеније Зографски“ од Скопје, а ќе се одржи пред Мултимедијалниот центар во ЗОО Скопје.
Светскиот ден на дивиот свет на Обединетите нации (WWD), се слави секоја година на 3 март, за да се прослават дивите животни и растенија. Секоја година светот ги препознава уникатните улоги и придонеси на дивиот свет кон луѓето и планетата.
Темата на годинешниот Светски ден на дивиот свет на Обединетите Нации е „Поврзување на луѓето и планетата: Истражување на дигиталните иновации во зачувувањето на дивиот свет.“