Градоначалникот на Општина Неготино, Горан Стојанов, на Фејсбук информираше дека Општината ќе издвои средства за лекување на младата Матеа Стаменова од Неготино, на која потребно е да ѝ се изврши оперативен зафат во Бугарија.
– Како градоначалник на Oпштина Неготино ја информирам јавноста од општината и пошироко, дека, како локална самоуправа, во рамките на расположливите средства, финансиски ќе го помогнеме лекувањето на нашата млада сограѓанка Матеа Стаменова. Матеа е 11 годишно девојче со здравствени проблеми и потребно е да и се изврши оперативен зафат во Бугарија, што чини седум илјади евра со дополнителни трошоци за постоперативно закрепнување – вели Стојанов.
Тој упати апел до сите поединци, фирми, установи и други кои имаат можност да донираат средства за побрзо оздравување на Стаменова.
