Согласно програмата на Одделението за образование при Општина Карпош традиционално и годинава се обезбедени финансиски средства за доделување на осуммесечни стипендии за талентирани ученици, кои учат во основните училишта на територија на општината за учебната 2024/2025 година.
Висината на стипендијата ќе изнесува 3.500 денари месечно за прва категорија, односно 3.000 денари месечно за втора категорија.
Кандидатите треба да се жители на oпштина Кaрпош, да се редовни ученици во VIII или IХ одделение во основните училишта на територија на Општина Карпош, да имаат освоено I, II или III место на акредитирани натпревари, како и да оствариле континуирано одличен успех во текот на школувањето од VI –VIII, односно VII – IХ одделение.
Крајниот рок за поднесување на документите по огласот е заклучно со 13.09.2024 година. Документите на кандидатите кои не се комплетни и не се навремено доставени нема да бидат разгледувани.
