Општина Штип на вториот јавен повик на Владата ќе конкурира со девет проекти. Градоначалникот на Општина Штип, Иван Јорданов, изјави дека вредноста на овие проекти е околу шест и пол милиони евра.
– Проектите со кои ќе конкурираме се за изградба на нов мост кај Кежовица, потоа парк кај Кежовица, реставрација и осветлување на тврдината „Исар“, летна сцена и памп-лента кај населбата Осми Ноември, потоа картинг-патека кај Ново село, главен резервоар за филтер-станицата, Скада систем, платформа за паркирање кај црквата „Свети Никола“ и пробивање и изградба на нова улица до штипската Клиничка болница – информираше Јорданов.
Новата платформа кај црквата „Свети Никола“ ќе биде за 40 возила, со што ќе се намали и метежот во централното градско подрачје, а Скада-системот ќе овозможи и намалување на загубите на водата за пиење, кои во моментов изнесуваат околу 60%.
Јорданов истакна дека благодарение на поддршката, којашто централната власт, очекува 2025 година во Штип да има забрзан развој, како и реализација на низа капитални проекти.
ИЗДВОЕНИ
Повеќе полиција отколку граѓани-Бугарското чествување за Мара Бунева помина мирно и без Виктор Стојанов
Снегот не изненади
Какво правно дејство треба да следи за функционер кој работел несовесно и неодговорно?
Пикот на грипот се очекува од крајот на јануари, короната нема сила како во годините кога царуваше!
