Општина Прилеп ги извести даночните обврзници по основ на данок на имот и комунална такса, дека во согласност со одредбите за присилна наплата од Законот за даноци на имот, започна постапка за присилна наплата за сите неплатени обврски заклучно со 2024 година.
Во текот на 2024 година, Општина Прилеп достави опомени за неплатен данок на имот и комунална такса до сите правни и физички лица кои вршат дејност на територијата на општината.
– Бидејќи рокот за подмирување на овие обврски е веќе истечен, Општината ќе започне со изготвување на Решенија за присилна наплата, кои ќе бидат доставени до даночните обврзници и до носителите на платен промет (деловните банки). Со цел да се избегне блокирање на сметките и настанување на дополнителни трошоци, ги повикуваме сите обврзници кои имаат заостанати и неплатени обврски по овие основи, итно да ги подмират своите обврски – велат од општина Прилеп.
