Олмо откри што се обиделе Хрватите во 2017 година

Како момче, Дани Олмо беше член на Ла Масија, но ги изненади сите кога во летото 2014 година реши да замине во Динамо (З), а многумина тоа го сфатија како целосен неуспех.

Сепак, Олмо го избра потешкиот пат но преселба во редовите на најтрофејниот хрватски клуб  се покажа како клучна пресвртница за него.

Во Динамо (З) пристигна како фудбалер и покажа колку е талентиран, мина вкупно шест години во клубот од Загреб. На почетокот на 2020 година тој се пресели во РБ Лајпциг за речиси 35 милиони евра, каде играше до минатото лето пред да се врати во Барселона.

Сигурно е дека Олмо многу добро ќе го памети времето во Динамо (З) бидејќи се навикна на животот во Загреб, а во интервју за магазинот GQ, Шпанецот зборуваше за тоа колку го чувале во Хрватска додека играл за Динамо, но и дека ХНС го контактирал во 2017 година кога му понудиле државјанство и шанса да игра за „коцкестите“.

Хрватите имаа план Олмо да го добие пасошот и да игра за Хрватска на Светското првенство во 2018 година, што беше многу примамливо, а тој сега објасни зошто не ја прифатил понудата.

„Јас сум Шпанец и отсекогаш сум се чувствувал така. Хрватска сакаше да станам хрватски државјанин за да можам да учествувам на Светското првенство во 2018 година. Ми понудија поголема сигурност во иднина, но верував дека ме чека можност во Шпанија”, изјави Олмо.

Тогаш Хрватите направија историски успех на Светското првенство, бидејќи го освоија сребрениот медал по поразот од Франција во финалето.

„Бев многу среќен кога видов дека стигнаа до финалето, но во ниту еден момент не почувствував дека сум направил погрешен избор. Во тоа време играв за младинската репрезентација на Шпанија и мојата желба беше да играм за сениорите“.

На крајот желбата на Олм се оствари бидејќи играше и за А селекцијата на Шпанија, а со „Црвената фурија“ летово стана шампион на Европа и одигра многу сериозна улога на турнирот во Германија.