Околу 90 отсто од потрошувачите во Порторико денеска се без струја

Околу 90 отсто од потрошувачите во Порторико денеска немаат пристап до електрична енергија поради дефект во електричната мрежа, соопшти компанијата за дистрибуција на енергија Лума енерџи.

Засега не е познато што точно го предизвикало неуспехот, но локалните медиуми објавија дека верижното губење на енергија започнало во провинцијата Гвајанила, на јужниот брег на островот, пренесува Танјуг.

Портпаролот на компанијата „Хенера“ изјави за локалната ТВ станица ВАПА дека нема проценка кога може да се очекува да се врати струјата, пренесува Ројтерс.

Веб-страницата на компанијата посочи дека само една резервна централа за производство на електрична енергија моментално работи во Порторико.