Националната и универзитетска библиотеката „Св. Климент Охридски“ – Скопје на 23 април, во 13 часот, ќе го одбележи Светскиот ден на книгата и авторското право.
Овој датум (23 април), прогласен од УНЕСКО во 1995 година, се одбележува во целиот свет, секоја година како симболичен датум во светската книжевност бидејќи токму овој ден е поврзан со брилијантните личности на пишаниот збор како Мигуел де Сервантес, Вилијам Шекспир, Лопе Де Вега. Идејата се заснова на стариот каталонски обичај да се подари книга и роза.
Националната и универзитетска библиотека „Св. Климент Охридски“ – Скопје овој настан го одбележува традициoнално, и е вклучена во ова празнување уште од самиот почеток, а воедно и е коoрдинатор на активностите низ државата.
Македонската порака за настанот ја напиша проф. д-р Славица Велева, а на одбележувањето ќе биде прочитана и светската порака од г-ѓа Одре Азуле, генерален директор на УНЕСКО. Поддршка и оваа година e Шпанската амбасада во Скопје.
Во 12 часот и НУ Библиотеката „Григор Прличев“ – Охрид, традициoнално ќе го одбележи Светскиот ден на книгата и авторското право. Во Прличевата одаја ќе бидат прогласени најчитателите за 2024, за деца и возрасни, најчитаните автори и дела, а на голем број донатори на книги ќе им бидат врачени благодарници.
ИЗДВОЕНИ
Граѓаните сами да ги читаат броилата за да не плаќаат астрономски сметки за струја
Ќе се најде ли чаре за радиоактивниот облак кој со години ја труе пола Македонија!?
Како девојчето што го љубел папата Франциск во детството ја одреди судбината на Католичката црква
Каков би можел да биде новиот папа? Одговор дава вештачката интелигенција!
