Од понеделник почнува „глувата недела“: Во последните денови од Велигденскиот пост една работа е строго забранета, а нема врска со храна

Петтата недела од Велигденскиот пост, која во календарот се нарекува Глува недела, го добила името затоа што веќе одминал голем дел од постот и дошло време за тишина, покајание, т.н. глуво време.

Петтата недела во Велигденскиот пост е посветена на преподобната Марија Египетска, голема грешничка, но и голема покајничка. Од нејзината младост живеела развратен живот, таа отишла во Ерусалим, каде доживеала пресврт, кога непозната сила го затворила влезот во храмот. Откако се молела пред иконата на Богородица, решила да го промени животот. Го преминала Јордан и поминала цел век во пустината, горко покајувајќи се за гревовите во младоста. Таму ја нашол старецот Зосима, кој се причестил и ги слушал сите нејзини подвизи.

Таа почина следната година. Нејзините подвизи се спомнати во првите четири дена од Великиот пост во Големиот канон на Андреј Критски, како и на првото бдение минатата среда, кога се читаше во храмовите целокупното нејзино житие, што дава прекрасна поука.

Во глувата недела, црквата ги забранува сите прослави, концерти, песни и забави. Да не одите на пат, да не работите големи работи, да не водите добиток на пасиште.

За луѓето да не бидат мрзливи во своите духовни потфати, црквата во трите дена од петтата седмица: четврток, сабота и недела, на верниците им дава посебни стимулации за благодатни дела.

На вечерната литургија во среда од петтата недела се пеат 24 покајнички стихови од Великиот канон. Сите стихови имаат крај: „Господи, пред да загинам, спаси ме!“ Во четврток на утрена се чита целиот Велики Канон и Житието на преподобната Марија Египетска.