Јавното претпријатие „Охридски комуналец“ од петок започнува со реализација на есенскиот циклус од календарот за 2024 година на акциите за подигнување кабаст и зелен отпад на територијата на Општина Охрид.
Од претпријатието ги известуваат жителите на општина Охрид дека акцијата за подигнување кабаст отпад почнува од УЗ „Стар Град“.
– Граѓаните кои живеат во споменатите делови од градот доколку имаат ваков отпад уредно да го депонираат најдоцна до 7 часот в петок и претходно локацијата да ја пријават на дежурниот телефон 075-495-428, кој функционира секој ден во неделата, во периодот од 7 до 21 часот – посочуваат од ЈП „Охридски комуналец“.
Додаваат дека отпадот треба да е уредно оставен до контејнерите или на местата предвидени за подигнување комунален отпад.