Агентите на американската гранична патрола уапсиле околу 29.000 мигранти кои илегално ја преминале американско-мексиканската граница во јануари 2025 година, соопшти денеска американската Царинска и гранична заштита (ЦБП).
Според податоците на ЦБП, бројот на апсења во јануари оваа година бил најмал од мај 2020 година, пренесува Ројтерс.
Веднаш по преземањето на функцијата на 20 јануари, американскиот претседател Доналд Трамп издаде низа извршни наредби со цел да се реши проблемот со илегалната имиграција.
Трамп, исто така, презеде чекори за интензивирање на депортацијата на мигрантите од САД, имајќи предвид дека неговиот претходник Џозеф Бајден не успеа да се справи со рекордниот прилив на илегални имигранти, чиј број достигна рекордни 250.000 во декември 2023 година, според Ројтерс.
Во јуни 2024 година, Бајден ја ограничи можноста на мигрантите кои илегално влегле во САД да бараат азил, работеше со Мексико и други земји за ограничување на илегалната имиграција и започна нови програми за легален влез, тврдејќи дека тоа ќе го обесхрабри нелегалниот влез во САД.
Трамп стави крај на неколку програми за легален влез на Бајден, вклучително и онаа што им дозволуваше на мигрантите во Мексико да ја користат апликацијата CBP за да закажат состанок за поднесување официјална апликација за влез во Соединетите држави, пренесува Танјуг.
Ненадејното откажување на оваа апликација од страна на Трамп ги остави мигрантите со веќе закажани термини да останат во Мексико, со неизвесност за тоа како ќе продолжи постапката за нивно барање дозвола за влез во САД.
ИЗДВОЕНИ
Тешките симптоми на грип се резултат на енормното загадување и слабиот колективен имунитет
Интелигентната моќ и неверојатниот дизајн на Galaxy S25 Ultra
Трговците ќе го издржат и овој удар, но мерката нема да има социјален ефект
Нема преговори за химната и за државниот грб, но нема ни табу теми, тврди Меџити
