Државниот инспекторат на Република Хрватска извести за повлекување на производот „Остатоци од сечење прошуто без коски“, ЛОТ 25-00603, со рок на траење од 30 јуни 2025 година, поради потврдено присуство на бактерии од родот Salmonella spp, пренесува Индекс.
Производот не е во согласност со Регулативата на Комисијата (ЕЗ) бр. 2073/2005 за микробиолошки критериуми за храна, поради што е започната постапката за повлекување од пазарот, додаваат тие.
Тоа е производ на домашната компанија ŽITO d.d. од Осиек.
Компанијата објави известување за потрошувачите на својата официјална веб-страница, повикувајќи ги да проверат дали го имаат предметниот производ и да го вратат во продавниците каде што е купен. На потрошувачите ќе им бидат вратени парите.
„Искрено жалиме за настанатата ситуација. Безбедноста и задоволството на нашите клиенти ни се од најголема важност и веднаш го отстранивме споменатиот производ од продажба“, изјавија од ЖИТО д.д., додавајќи дека остануваат посветени на највисоките критериуми за квалитет и здравје.
Повеќе информации за повлекувањето се достапни на официјалната веб-страница на производителот: dobro.hr/novosti.
Повлекувањето се однесува исклучиво на производот од наведената серија LOT.
ИЗДВОЕНИ
Папата Франциск е погребан на затворена церемонија во базиликата „Санта Марија Маџоре“
Последно збогување со папата Франциск во Рим: Започна погребната миса /видео
Столот специјално направен за папата Франциск oстана вредна реликвија во скопската катедрала
Првата антикорупционерка во корупциски скандал, ќе даде ли оставка или ќе причека?
