Од денеска стартува вакцинацијата против сезонски грип, а за ова намена Министерството за здравство обезбеди 70 илјади бесплатни вакцини.
Од минстерството информираа дека досега на сајтот вакцинација.мк се пријавиле 33.000 граѓани, а право на бесплатна вакцина имаат ризичните групи население: повозрасни лица над 65 години, лица со хронични заболувања, здравствени работници, бремени жени, деца на возраст од 6 месеци до 5 години, како и лица сместени во установи за социјална заштита на стари лица и вработените во установи за социјална заштита на стари лица..
Вакцинацијата ќе се спроведува на 36 локации во целата држава, а сите пријавени на сајтот добиваат СМС порака за датумот, точното време и каде да дојдат за вакцинација. Во Скопје заинтересираните ќе можат да се вакцинираат во 5 установи: Центарот за јавно здравје, Поликлиниките Букурешт, Идадија и Бит Пазар, а здравствените работници и во Институтот за јавно здравје..
