Обвинителот Џек Смит поднесе оставка по завршувањето на кривичната истрага против Трамп

Американскиот специјален советник Џек Смит поднесе оставка од Министерството за правда, по завршувањето на кривичните истраги против новоизбраниот американски претседател Доналд Трамп поради неговите наводни обиди да го смени поразот на изборите во 2020 година, објави денеска Политико.

Веста за оставката на Смит беше објавена во фуснота во поднесувањето на Министерството за правда до американската окружна судијка Ајлин Кенон претходно денеска, барајќи од неа да не го продолжува судскиот налог со кој привремено се блокира објавувањето на конечниот извештај на Смит за истрагите на Трамп.

Претставниците на Министерството за правда рекоа дека судијката ги надминала нејзините овластувања и дека таа нема овластување да го блокира јавниот обвинител Мерик Гарланд да ги објави наодите на Смит.