Објавен конкурс за финансиска поддршка за проекти од областа на креативните индустрии

Министерството за култура и туризам, вчера, објави конкурс за финансирање на проекти од областа на креативни индустрии. Со овој конкурс, посочува министерот Зоран Љутков, ќе се создадат нови можности за претприемачите, младите уметници и креативни тимови. Тој додаде дека Конкурсот е еден од чекорите за обезбедување стабилен и одржлив развој на креативните индустрии, а средствата ќе бидат насочени за проекти за создавање или подобрување на културни активности кои се значајни за заедницата и збогатување на локалната културна сцена преку иновативни и креативни решенија.

Инаку, со конкурсот ќе се обезбеди финансиска поддршка на проекти од областа на архитектурата, визуелните уметности, презентацијата на филмското творештво, дизајнот, применетата уметност, културното наследство, културниот туризам, литературата, модата, музиката, изведувачките уметности и различните форми на дигиталното уметничко изразување).

„На овој начин ќе се овозможат повеќе вработувања, зголемување на  конкурентноста на нашите креативни индустрии на глобалниот пазар и развивање на културниот туризам. Затоа ги повикувам сите креативци и организации да се пријават и да ја искористат можноста за реализација на своите идеи и проекти. Нашето општество има огромен потенцијал и заедно можеме да придонесеме за подобрување на културниот, економскиот и туристички напредок што ни е потребен“, посочи министерот Љутков.

За оваа намена, додаде, се обезбедени 10 милиони денари.

Рокот за поднесување на пријавите за проекти за развој на креативните индустрии е до 28 април, а конкурсот е објавен на веб-страницата на

Конкурсот за финансирање проекти за развој на креативните индустрии е објавен на веб-страницата на Министерството.