Обезбедување од кај претседателката под дисциплинска за џипот на Керим

Полицијата објави дека е поведена дисциплинска постапка против двајца обезбедувачи од кај претседателката Гордана Силјановска Давкова бидејќи лажеле дека поршето паркирано пред кафеана во Дебар Маало е службено, а всушност во него се возел поранешниот министер за надворешни Срѓан Керим.
Поршето кое било непрописно паркирано на велосипедска патека беше однесено со пајак служба во депо откако жестоко реагираа граѓаните од скопско Дебар Маало. Тие претходно пријавиле, по што пристигнала пајак службата, но проблемот настанал кога претседателското обезбедување тврдело дека поршето било службено. Во јавноста беше споделено сведоштво од очевидци дека Керим бил во друштво на сопругот на претседателката.

“Двете лица кои се претставиле како полициски службеници и тврделе дека возилото е службено, со патничко возило „форд мондео“ се упатиле кон депото. Полициските службеници од ОВККИПС извршиле проверки за возилото „форд мондео“ и констатирале дека истото го управувале полициските службеници Т.Д. и И.С., распоредени во Одделението за лично обезбедување на Претседателот на РМ. Со овие полициски службеници е извршен службен разговор, при што е констатирано дека сториле потешко прекршување на работниот ред и дисциплина. Од страна на ОВККИПС до Одделот за дисциплински и судски постапки ќе биде поднесен предлог за утврдување на дисциплинска одговорност” стои во соопштението од МВР

Инаку , поршето според полицијата било во сопственист на 48 годишен скопјанец. Казната за непропосно паркирање според МВР му е врачена на 78 годишниот С.К.

Настаноте се сличил пред околу десетина дена , а денеска беше споделено видеото на социјаните мрежи од револтирани граѓани од сообраќајната некултура на пријавените.