„Winter magic Madzari“ е новогодишниот базар што ќе се одржи од 20 декември 2024 година до 5 јануари 2025 година, на платото пред киното „Маџари“.
Организаторите, Кристијан Илиевски и Игор Додевски, со поддршка од Општина Гази Баба, ги канат граѓаните да бидат дел од отворениот базар и од веселата дружба, секој ден од 12:00 часот, па сè до полноќ.
– Ве очекува одлична дружба со греани пијалаци, одлично мезе и прекрасна атмосфера. Секако, и одлична забава за најмилите, детски претстави, топли пијалаци, Дедо Мраз и прекрасни подароци – потенцираат организаторите.
Тие додаваат дека оваа година ќе биде збогатена програмата, дека ќе има многу музика со настапи на локални бендови, дека за децата ќе има реквизити, ќе има повеќе куќарки од лани во кои ќе се продаваат палачинки, колачиња, греани вино и ракија, рачно изработени украсни чаши.
– За најмладите ќе има пакетчиња, ќе има аниматори, детски претстави и работилници. Предвидено е над 100 деца да изведат модерен танц. Во секој случај, ќе биде многу интересно и, што е најважно, забавно и богато украсено – потенцираат организаторите.
(А.П.)
