На изложбата за вооружување на „Erustatory 2024“ во Париз, Украина претставила нова муниција со име „Булава“, аналогна на руската „Ланцета“. Дронот камиказа е изложен на штандот на чешко-украинската компанија „UAC“, а неговата извозна верзија го носи името „Маце“.
Должината на дронот е 1,492 метри, распонот на крила е 1,595 метри, тежината при полетување е 11 килограми, а тежината на боевата глава е 3,6 килограми. Траењето на летот достигнува 50 минути, а брзината на крстарењето е 100 км/ч.
Досегот на дронот е до 35 километри, но кога се користи репетитор може да се зголеми на 60 километри. Дронот е опремен со електромотор и полетува со помош на катапулт, пишува украински „Defence Express“.
Таргетирањето се врши преку оптички станици со деноноќен термовизиски канал. Конструкторите велат дека дронот може да биде воден директно од страна на оператор или со помош на систем базиран на машински вид.
Летот може да се изврши директно од страна на оператор или преку сателитски координати. За правилна работа, дронот има комуникациски модул со шифриран канал и „CRPA“ антена отпорна на електронско војување.
За работа на максимални растојанија, дронот користи „MESH“ технологија за пренос на податоци преку друг дрон.
Поради своите крила во облик на буквата „X“, „Булава“ има високи маневарски способности и лесно може да погоди мети во најслабо заштитената горна хемисфера. „UAC“ е украинско-чешка компанија и произведувач на извидничките беспилотни летала „Лелека ЛР“. Меѓутоа, „Булава“ не е прво такво оружје од украинско производство. Во април, украинските ресурси известија за нов модел на бараж беспилотно летало што ќе може да ангажира цели на оперативна и тактичка длабочина од 100+ километри.
