Новиот парламент на Гренланд се состана во понеделникот за прв пат по општите избори во март, во услови на постојано изразување на интерес од американскиот претседател Доналд Трамп да го контролира полуавтономниот дански остров, пренесува Ројтерс.
Новоименуваниот премиер на Гренланд Јенс-Фредерик Нилсен повика на политичко единство против надворешните притисоци откако неговата Демократска партија победи на изборите во март.
„Никогаш не било поважно да застанеме заедно за нашата земја и стабилно владеење. Затоа сум задоволен од оваа широка коалиција со 75 отсто од гласовите“, рече Нилсен, според гренландската телевизија KNR.
