Нови детали околу допинг-аферата на Синер: Да, знаев дека е забранета

Првиот рекет во светот, Јаник Синер, и членовите на неговиот тим знаеле многу добро сè за кремата што ја содржела недозволената супстанција, поради која падна на допинг и моментно е суспендиран.

Сите биле информирани и свесни дека „Трофодермин“ содржи клостебол и дека тоа значи дека може да падне на допинг тест. И покрај сето тоа, Синер ја користел кремата, а тоа го потврди и Умберто Ферара. Се работи за тренер кој бил во неговиот тим кога се случил допинг скандалот.

Ферара и Џакомо Налди беа членови во стручниот штаб на Синер, а физиотерапевтот Налди беше тој што ја користеше таа крема на себе пред да го масира Јаник како дел од неговото закрепнување. Поради сето ова Синер постигна договор со Светската антидопинг агенција (ВАДА) и беше суспендиран на три месеци.

• Таа крема ја користам со години, поради хронични проблеми добив рецепт од лекар специјалист. Свесен за казната и секогаш бев крајно внимателен со таа крема, ја чував во бањата. На физиотерапевтот Џакомо Налди ништо не му дадов, спрејот го зедов со мене во Америка, бидејќи ми требаше. Му предложив да ја користи, затоа што се пресече на прстот и не му се залечи како што треба, поради што се закомпликува неговата работа, истакна Ферара во интервју за италијанска „Газета“.

Тој истакна дека го предупредил Налди да биде внимателен.

-Беше прилично јасна комуникација со Налди за природата на таа крема и дека нема потреба таа да дојде во контакт со Синер. Дури отидов дотаму што дозволив да се користи само во мојата бања. Налди не негираше дека бил информиран за тоа, туку само заборавил, па во несоодветно време ја користел крематам додаде Ферара.

Тој исто така тврди дека поради сето ова се нашол на силен удар.

• Добра одлука беше да се чека објавата на луѓе кои се надлежни за ова, што не ја доведува во прашање мојата работа. Доживеав сериозен удар и на личен и на професионален план кога е во прашање мојот углед. Читав написи и коментари кои беа целосно спротивни на она што независниот суд го донесе во пресудата на 19 август, заврши Ферара.