На неколку локации низ Либан, вклучително и предградието Дахија во Бејрут, неодамна се слушнаа нови експлозии, објавија либанските медиуми.
Според некои извештаи, експлозиите биле предизвикани од комуникациски уреди што ги користел Хезболах.
Фотографиите, кои беа објавени на интернет, наводно покажуваат уреди кои се различни од пејџерите што експлодираа во вторникот, пишува „Тајмс од Израел“.
Претходно денеска, либанската милитантна група Хезболах денеска соопшти дека со ракети нападнала израелски артилериски позиции, што е прв прекуграничен напад по серијата пејџери експлозии во Либан во вторникот, пренесува Ројтерс.
„Тајмс оф Израел“ објави дека пред околу еден час од Либан кон Западна Галилеја била истрелана бараж од 10 ракети.
ИДФ соопшти дека ракетите погодиле отворени области, без да предизвикаат повредени.
Пејџерите што ги користеа членовите на Хезболах експлодираа истовремено во вторникот во јужен Либан, а Хезболах денеска соопшти дека бројот на загинати во експлозијата на пејџер се искачи на 12 откако уште тројца оперативци на групата им подлегнаа на повредите, објави „Тајмс оф Израел“.
Најмалку 2.750 луѓе се повредени во експлозиите, а едно дете загина, пренесува Танјуг.
