Српскиот ас Новак Ѓоковиќ не успеа да ја освои 100. титула на Мастерсот во Мајами, а воедно и седмата на Отвореното првенство на Флорида. Тој беше поразен во финалето од младиот Чех Јакуб Меншик со 6:7, 6:7 во сетови.

Иако имаше сериозни здравствени проблеми пред почетокот на мечот, кога окото му беше целосно затворено, Новак Ѓоковиќ беше достоинствен по поразот. Не сакаше да се оправдува, само рече дека младиот Јакуб Меншик заслужил да победи и дека целата слава му припаѓа нему.

  • Не сакам да зборувам многу по поразот. Ова е моментот на Јакуб… И моменти за неговиот тим и неговото семејство. Секоја чест. Неверојатен турнир. Првиот во долгата серија. Ме боли да признам, но тој беше подобар, изјави Новак Ѓоковиќ.

Легендарната тенисерка Мартина Навратилова, Чехинка со американски пасош, е воодушевена од односот и зборовите на Новак Ѓоковиќ. Иако честопати беше позната по тоа што го критикуваше најдобриот тенисер на сите времиња, особено за неговиот став да не се вакцинира против ковид-19, Навратилова сега ја изрази својата почит кон Ѓоковиќ.

  • Топ-коментари од Новак кон Меншик по поразот. Од најголемиот шампион до новиот шампион, напиша Мартина Навратилова.

Во текот на својата успешна кариера Мартина Навратилова (68) освои 18 Грен-слем титули. Има девет титули на Вимблдон, четири во Њујорк, три во Мелбурн и две на Ролан Гарос. Нејзината кариера траеше од 1975 до 1994 година, иако и после тоа можеше да се врати и да одигра неколку турнири.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ