Новак Ѓоковиќ е закана за сите тенисери

Поранешниот прв рекет во светот, Матс Виландер, верува дека Новак Ѓоковиќ треба повторно ќе освојува титули на најголемите турнири.

Новак ја отвори годината со полуфинале на Австралија опен, кога поради повреда мораше да му го предаде мечот на Александар Зверев, но потоа претрпе неколку порази и беше во лоша форма.

Сепак, впечатокот на Ѓоковиќ се промени на Мастерсот во Мајами, каде Новак играше во финалето, но загуби од Јакуб Меншик. Заврши сезоната на тврда подлога, барем засега, а наскоро ќе се префрли на земјена подлога.

• Мислам дека треба да игра со Монте Карло. Мислам дека подлогата не е важна кога е Новак Ѓоковиќ во прашање. Тој има способност да игра на земјена подлога исто како на бетон, истакна Виландер.

Вообичаено, Новак не е во својот врв за Мастерсот во Монте Карло, иако таму му е како „втор дом“.

• Монте Карло не е турнир каде што беше неверојатно добар, но тоа е турнир на кој може да оди и да победи на неколку натпревари. Мислам дека не е добро на негова возраст да остане две, три или четири недели без натпревари, порача Виландер.

Српскиот ас се уште ја брка 25. Грен слем титула, а има и причини за оптимизам кога Ѓоковиќ е во прашање.

• Не мислевме дека Новак ќе биде закана оваа година на Ролан Гарос. Сега може да се види дека е закана, истакна Виландер.

Ѓоковиќ пред Ролан Гарос треба да игра во Монте Карло, Мадрид и Рим каде ќе атакува на јубилејната 100-та титула во кариерата. Инаку, Монте Карло е единствениот Мастерс каде Новак не триумфирал најмалку три пати – го освоил само во 2013 и 2015 година.