Во рамки на кампањата „Каде срцето е дома“, организирана од Министерството за локална самоуправа, премиерот Христијан Мицкоски, заедно со министерот за транспорт, Александар Николоски, и градоначалникот на Општина Ѓорче Петров, Александар Стојкоски, извршија увид во градежните работи на значаен инфраструктурен проект во општина Ѓорче Петров.
Станува збор за изградба на нова улица која ќе ги поврзе улиците „Социјалистичка зора“ и „Сремски фронт“ и ќе овозможи побрз и поефикасен пристап до главната улица „Ѓорче Петров“, која е клучна сообраќајна врска за излез од Скопје кон скопската обиколница, кон Тетово и други дестинации.
Инвестицијата е во вредност од 8.835.996 денари, средства преку првиот владин јавен повик за поддршка на инфраструктурни општински проекти.
