„Солзотворец“ е роман на Ерин Дум кој зборува за љубовта низ призмата на темна романса. Оваа темна љубовна сага е новото издание на Издавачкиот центар „Три“, а на македонски ја преведе професорката Радица Никодиновска.
Книгата ги запознава читателите со книжевните ликови Ригел и Ника, кои се мачат да ги откријат во себе љубовта и добрината што ги немале во домот за незгрижени деца. За да можат да бидат заедно, мора да се помират со деструктивната љубов пред таа целосно да ги уништи. И двајцата со скршени срца, стануваат делчиња од една сложувалка во совршен спој.
Адаптиран и во филм, романот се задржа на првото место на листата на најпродавани книги пет недели по ред и во Италија е продаден во над половина милион примероци за три години.
Ерин Дум е млада италијанска писателка која прво пишува под псевдонимот „Матилде“, а во 2017 г., на блог-апликацијата „Ватпад“, објавува два романа – „Начинот на кој паѓа снегот“ и „Солзотворец“. Поттикната од огромниот интерес на читателите за „Солзотворец“, издавачката куќа „Магаѕини Салани“ го издава неговото преработено издание во мај 2021 година, кое станува вистински бестселер и досега е преведен на 26 јазици.
ИЗДВОЕНИ
Столот специјално направен за папата Франциск oстана вредна реликвија во скопската катедрала
Првата антикорупционерка во корупциски скандал, ќе даде ли оставка или ќе причека?
Вистински инвалиди не добивале потпис, со нивните дијагнози други заработувале пензии
Повисоки плати не се 500 евра, туку 500 евра е минималец кој ќе ги зголеми другите плати!
