Општина Центар повторно ќе спроведе акција за собирање кабаст отпад во периодот од 15 до 20 март.
Општинските власти велат дека поради позитивните реакции и успехот на акцијата реализирана во февруари, зголемен е бројот на пунктови на кои граѓанитe ќе можат бесплатно да го одложат својот кабаст отпад. Тоа се: Капиштец – кај Цветен пазар, улица „Народен Фронт“, Капиштец – паркингот спроти Завод за вработување, улица „Васил Ѓоргов“, број 32, Буњаковец – позади ООУ „Ј. Х. Песталоци“, улица „Апостол Гусларот“, Дебар Маало – кај кружниот тек, улица „Антоние Грубишиќ“, број 20, Соборен храм – кај спортското игралиште, улица „Орце Николов“, број 22 и „50 Дивизија“, број 39, во близина на Клинички центар.
Од Општината апелираат до центарци да ја искористат оваа можност и на еколошки начин да се ослободат од овој вид отпад.
-Да внимаваме на чистотата и да придонесеме кон поздрава животна средина – порачуваат од локалната самоуправа.
