Општина Ѓорче Петров и Македонската асоцијација за применета психологија „Симболикум“ потпишаа меморандум за соработка со цел подобрување на менталната благосостојба на учениците.
Преку проектот, кој ќе се реализира во четири општини и осум училишта, се предвидуваат психолошко тестирање и психосоцијални интервенции насочени кон рано откривање на потребите на учениците.
Во Општина Ѓорче Петров, активностите ќе се спроведуваат во ОOУ „Димитар Поп Георгиев Беровски“ и во ОOУ „Јоаким Крчоски“.
Притоа, меѓу клучните активности ќе се спроведуваат: тестирања за личносните димензии и емоционалната интелигенција, обука на училишните психолози за анализа и интерпретација на резултатите, развој на индивидуални психосоцијални интервенции за учениците, изработка на прирачник за следење на напредокот.
Градоначалникот на Општина Ѓорче Петров, Александар Стојкоски, истакна дека Општината е меѓу првите во земјава што имплементираат ваков проект, со јасна цел: подобрување на психолошката поддршка во училиштата и создавање услови за здрав емоционален и социјален развој на учениците.
Проектот ќе се спроведува во текот на 2025 година, без финансиски надоместок за двете страни.
ИЗДВОЕНИ
Рафаел Сориано Ортиз, амбасадор на Шпанија: Дали вреди да се учи шпанскиот јазик? Причини да се убеди Македонец
„Ситроенот“ веднаш ми падна во очи, многу чадеше и возеше бавно
Апелација одлучи, затвор за Васил Јованов за трговија со дрога
ДУРИ 240 ДОЈАВИ ЗА БОМБИ ВО ОСНОВНИ И СРЕДНИ УЧИЛИШТА ЗА ЕДНО ДЕНОНОЌИЕ
