„Нинџа Воин“ на 41 година ќе игра за САД на СП во ракомет

Ракометната репрезентација на САД ќе настапи на Светското првенство во Хрватска, Норвешка и Данска. Американците го отвораат турнирот во среда со мечот против Португалија, во кој се апсолутни аутсајдери. САД се една од најслабите селекции на турнирот, а во групата фаворизирани се и Норвешка и Бразил.

За САД ќе игра и 40-годишниот Гери Хајнс. Тој настапува за германскиот СГ Лангенфелд во петтата германска лига, а таму е од 2008 година. Во јавноста е познат и како „Нинџа Воин“. Учествуваше во тоа шоу, во кое стигна до финалето во 2016 и 2017 година. „Show Ninja Warriors“ е јапонска спортско-забавна програма која вклучува возбудливи натпревари и интересни игри полни со адреналин во кои клучот е одличната физичка подготовка. Емисијата своевремено се емитуваше и во Хрватска.

Хајнс дебитираше за САД пред две години, кога неговиот тим го победи Мароко со 28:27. Тоа беше историска победа за САД во ракомет. Американците досега шест пати учествувале на СП. Пет пати завршија последни, а во 1994 година завршија на 21. место од 24 репрезентации.