Николоски: Започнуваме борба против административната мафија!

Владата донесе седум измени на закони со кои ја започнуваме борбата против адинистративната мафија. Со овие измени, овие контроли стануваат обврзни најмалку два пати годишно на шест месеци, а може и почесто и што е многу важно жалбата нема да го одлага извршувањето.

Вицепремиерот и министер за транспорт и врски, Александар Николоски очекува следната недела измените да поминат и во Собранието.

– Во досегашниот систем тие контроли воопшто не се предвидени, а ова што ние го правиме со контролите го правиме на добра волја. Нашата цел не е да казнуваме, целта е да се воспостави ефикасен демократски систем во кој оние кои доброволно барале лиценци мораат да го почитуваат законот континуирано   – потенцира Николоски.

Во сегашниот систем вакви контроли воопшто не се предвидени.

 – Претходно требаше да се чека одлука на Управниот суд, па после тоа да се чека да стане правосилно решението. Ние велиме не, решението веднаш станува правосилно. Наша цел е да ги натераме оние кои доброволно побарале лиценца ако можеле да ги исполнуваат законските услови на денот на барање, да мораат да ги исполнуваат и во текот на целокупното работење. И затоа планираме оваа да е една континуирана акција пред се на подобрување на општеството. Наша цел е да се подобрува општеството, не е да казнуваме, казната доаѓа како првентивна мерка – истакна Николоски.

Тој објаснува дека компаниите го изигрувале законот со вработените со тоа што откако ќе ги исполнат законските услови со доволен број на вработени и ја подигнат линценцата, веднаш потоа отпушаат одреден број на вработени.

Николоски објаснува дека контроли не се правеле затоа што Законот до сега тоа не го предвидувал.

– Клучниот механизам на контроли кој што ние сега го правиме не е предвиден во ниту еден закон, би рекол дека стрикно не е пропишано. И затоа ние на добра волја се организиравме со вработените, направивме систем на контрола и согласно тој систем сега ги одземаме лиценците. И ако не ги направивме контролите сега тие околу 500 компании ќе работеле со незаконски линцени. Ние решивме да градиме систем. И ако ја следиме оваа тракеторија која ја фативме мислам дека ќе успееме. Ако успееме да изградиме систем кој ќе биде фундамент на идните генерации и ќе воспостави праг под кој нема да се оди, тогаш мислам дека ќе имаме успешен мандат или мандати. Почнаме ли да калкулираме тогаш наследството ќе биде многу лошо- додаде вицепремиерот Николоски.   

Инаку, започнати се постапки за одземање на 479 лиценци во делот на урбанистичкото планирање и градење, но Николоски очекува таа бројка да стигне и над 500 одземени лиценци.