Природните состојки се ѕвезди на подготовките за нега во последните години.
Меѓу нив е и еден прастар, прав од кора од портокал, кој се прави со дробење на дехидрираните лушпи од ова цитрусно овошје. Затоа, секој пат кога механички ќе почнете да ја фрлате кората од портокал, застанете и запомнете зошто таа заслужува важно место во вашата дневна рутина.
Кората од портокал, како и самото овошје, е исклучително богата со витамин Ц. Всушност, содржи три пати повеќе од овој витамин отколку во сочниот дел од овошјето, но и повеќе влакна, калциум, витамин А…
Богат е со различни растителни соединенија кои имаат антиоксидантни и антиинфламаторни својства. Ефикасно и нежно ја чисти кожата, а бидејќи има и адстрингентни својства, односно способност да ги собира порите и да ги контролира мастите, се покажа како особено корисен за луѓето со масна кожа бидејќи го „отстранува“ вишокот на себум од неа.
Правот од кората од портокал е полезен за кожата на повеќе начини:
– Одличен е за природен пилинг, бидејќи има малку зрнеста текстура. Неговите природни адстрингентни својства го прават и ефикасно средство за чистење. Може да помогне во отпушување и прочистување на порите, правејќи ја површината на кожата помазна.
– Ја намалува пигментацијата и лузните од акни. Овој прав е преполн со витамин Ц, што го прави одличен отстранувач на пигментацијата. Правот од кора од портокал е широко користен како благо средство за белење. Со неговата редовна употреба ќе ги олесните сите траги од пигментација, дамки и лузни предизвикани од акни.
– Го контролира себумот, односно неговото производство на кожата, со што се намалуваат шансите за појава на акни и митесери. Затоа, станува неопходна состојка во рутината за нега на секој човек со мрсна кожа.
– Има својства против стареење. Содржи хемиски соединенија (лимонен, линалол, цитронелол…) кои му даваат антиоксидантни својства, што пак го прави одличен агенс за забавување и спречување на стареењето. Покрај тоа, ја подобрува циркулацијата на крвта и го зголемува производството на колаген, давајќи ѝ на кожата младешки изглед и сјај.
