Израелскиот премиер Бенјамин Нетанјаху изјави дека во денешниот телефонски разговор со францускиот претседател Емануел Макрон, оценил дека создавањето на палестинска држава ќе претставува „огромна награда за тероризмот“ и ќе доведе до постоење на ентитет управуван од екстремисти, на само неколку километри од израелските градови.
Макрон рече дека за време на разговорот повикал на нов прекин на огнот, ослободување на заложниците и продолжување на испораката на хуманитарна помош во Појасот Газа, што Израел го спречува повеќе од еден месец.
Минатата недела Макрон рече дека Париз треба да има за цел да ја признае палестинската држава до јуни, кога Франција и Саудиска Арабија ќе бидат домаќини на меѓународна конференција за спроведување на решение за две држави за Палестина и Израел.
Неколку европски земји неодамна ја признаа палестинската држава, симболичен потег чија цел е обновување на мировниот процес, според АП.
ИЗДВОЕНИ
Коцевски: Издадена е наредба за приведување на седум нови полициски службеници за пожарот во Кочани
Опозицијата бара оставка, на Тошковски критиките му се комплимент
Европскиот сон патува кон „втора лига“ – проширувањето на ЕУ заглавено меѓу ветувања и блокади!
Паричниците и мобилните в рака, ловот по пониски цени почнува!
