Неочекуван потег на богатото кралство: „Сирија не мора ништо, ние ќе платиме!“

Саудиска Арабија планира да ги отплати долговите на Сирија кон Светската банка, објави новинската агенција Ројтерс, повикувајќи се на информации доставени до неа од три лица запознаени со ова прашање. Сирија тогаш ќе може да добие субвенции во вредност од милиони долари со кои ќе може да ја обнови инфраструктурата и да го рестартира јавниот сектор. Доколку овие планови се остварат, тоа ќе биде прва финансиска помош што Саудиска Арабија и ја дава на Сирија откако исламистите го соборија режимот на долгогодишниот претседател Башар ал Асад минатата година.

Планот на Саудиска Арабија може да биде и знак дека влијателните арапски земји околу Персискиот Залив всушност ќе бидат во позиција да и помогнат на Сирија. Претходно Катар соопшти дека е подготвен да им исплати плати на вработените во јавниот сектор.

Сепак, овие иницијативи не се остварија бидејќи не се знаеше што ќе се случи со санкциите што САД ги воведоа кон Сирија. Катар минатиот месец објави дека ќе испрати гас во Сирија за да може да го зголеми производството на електрична енергија. Ројтерс пишува дека извори рекле дека САД го одобриле потегот.

Сирија и должи на Светската банка околу 15 милиони долари. Додека не го врати тој долг, не може да добие парична помош од таа институција. На Дамаск, сепак, му недостигаат пари. Тамошните власти планираа да ги платат долговите со замрзнати средства во странство, но тој план пропадна.

Претставници на Светска банка разговараа за финансиска помош што би можела да и помогне на Сирија да ја обнови својата енергетска инфраструктура и да плаќа плати во јавниот сектор. Делегацијата на Светска банка се сретна со сирискиот министер за финансии Мухамед Џосра Берние. Тоа беше прва јавна средба меѓу Владата на Сириската Арапска Република и Светската банка.