Нема повеќе „мaчка во вреќа“, нарачките од Тему или Алиекспрес ќе се царинат

Новата Генерална регулатива за безбедност на производите на ЕУ воведува построги правила во онлајн продажбата, барајќи секој производ да има „одговорно лице“ во ЕУ. Под зголемен надзор се платформите како „Тему“, „Шеин“, „Алиекспрес“ и „Амазон“. Покрај тоа, планирани се и промени во царинските правила, вклучително и укинување на ослободувањето од царина за нарачките под 150 евра, со што сите производи ќе бидат подложни на давачки.

– Голем дел од производите што доаѓаат од трети земји не ги исполнуваат безбедносните критериуми на ЕУ, што претставува ризик за потрошувачите. Огромниот прилив на пакети прави да биде речиси невозможно за царинските и за регулаторните органи да ги проверуваат сите увезени производи, што доведува до недостиг на контрола. Дополнително, ова создава нелојална конкуренција, додека бизнисите во ЕУ мора да се придржуваат до строгите регулативи, компаниите надвор од Унијата често успеваат да избегнат одредени давачки и проверки, што ги прави нивните производи поевтини – потенцираат од Асоцијацијата за е-трговија на С Македонија

Европската Унија презема сериозни чекори за зајакнување на безбедноста и на регулацијата на увезените производи, преку засилување на правилата за онлајн трговија. Дополнително, платформите како „Тему“, „Шеин“, „Алиекспрес“ и „Амазон прајм“ се под зголемен надзор на Европската комисија, со обврска побрзо да реагираат за небезбедните производи и да бидат потранспарентни кон корисниците.

Од Асоцијацијата за е-трговија на С Македонија (АЕТСМ) велат дека онлајн купувањето никогаш не било полесно – со само неколку клика, може да се нарачаат производи од целиот свет. Но, дали се безбедни тие производи, дали се усогласени со европските закони? Дали трговците надвор од ЕУ играат по истите правила како домашните компании?

– Голем дел од производите што доаѓаат од трети земји не ги исполнуваат безбедносните критериуми на ЕУ, што претставува ризик за потрошувачите. Огромниот прилив на пакети прави да биде речиси невозможно за царинските и за регулаторните органи да ги проверуваат сите увезени производи, што доведува до недостиг на контрола. Дополнително, ова создава нелојална конкуренција, додека бизнисите во ЕУ мора да се придржуваат до строгите регулативи, компаниите надвор од Унијата често успеваат да избегнат одредени давачки и проверки, што ги прави нивните производи поевтини – потенцираат од АЕТСМ.

Новата Генерална регулатива за безбедност на производите на ЕУ воведува построги правила за онлајн продажбата, барајќи секој производ да има „одговорно лице“ во ЕУ.

– Покрај тоа, планирани се промени во царинските правила, вклучително и укинување на ослободувањето од царина за нарачките под 150 евра, со што сите производи ќе бидат подложни на давачки – велат од АЕТСМ.

Европската комисија отвори истрага против „Тему“, за лажни попусти, притисок врз купувачите, скриени информации за потрошувачките права и за лажни рецензии. Оваа платформа сега мора да ги усогласи своите практики со законите на ЕУ.

Во март 2024 година, Комисијата поведе постапка против „Алиекспрес“, поради сомнежи за продажба на опасни производи и недостиг на транспарентност во рангирањето на производите.

„Шеин“ стана „многу голема онлајн платформа“ (ВЛОП), што значи дека мора да ги заостри правилата за следливост на продавачите, транспарентноста во препораките и заштитата на малолетниците.

По притисок од регулаторите, „Амазон“ овозможи откажување на приме- членството со два клика место да се соочуваат корисниците со сложени и збунувачки процеси.

– Со новите регулативи, онлајн платформите ќе мора да реагираат побрзо, отстранувајќи ги опасните производи во рок од два работни дена, по налог од властите. Дополнително, платформите ќе бидат подложни на поголема одговорност, бидејќи ќе мора да имаат локална контакт-точка во ЕУ која гарантира безбедност на производите – истакнуваат од АЕТСМ.

Онлајн продавниците ќе бидат обврзани да обезбедат јасни информации за трговците и да се борат против лажните рецензии и манипулативните попусти.

– Овие промени се од особена важност за потрошувачите, бидејќи ќе овозможат поголема безбедност на производите, повеќе транспарентност без скриени трошоци и лажни попусти, како и фер пазар, каде што домашните компании нема да бидат во неповолна положба во однос на конкурентите однадвор. Промените доаѓаат брзо, а онлајн платформите мора да се адаптираат. За потрошувачите, ова значи подобро заштитени права, посигурно купување и пофер конкуренција на пазарот – велат од Асоцијацијата за е-трговија на С Македонија. 

Македонските е-трговци во 2024 година, од иматели на домашни и на странски даватели на платежни услуги, направиле 26,13 милиони денари или 425 милиони евра, што претставува 60 проценти од вкупната вредност на онлајн трансакциите. Четириесет проценти од вкупната вредност на онлајн трансакциите (285 милиони евра) Македонците ги направиле во странство.

„Амазон“ сака да ја купи „Тик-ток“ пред да биде забранета во САД

Компанијата „Амазон“ сака да ја купи платформата „Тик-ток“, на која од утре ѝ се заканува забрана на територијата на САД бидејќи е кинеска, како што најави функционер на администрацијата на американскиот претседател, Доналд Трамп.

Тој рече дека „Амазон“ ја дал понудата во писмо до американскиот потпретседател, Џеј Ди Венс, и министерот за трговија, Хауард Лутник.

Претседателот Доналд Трамп, на Денот на инаугурацијата, ѝ даде одложување на платформата, отфрлајќи го законот што едногласно го потврди Врховниот суд, кој рече дека е неопходна забраната за националната безбедност. Трамп посочи дека би можел дополнително да ја продолжи паузата на забраната, но, исто така, рече дека очекува да биде склучен договор до сабота.

(С. Бл.)