Генералниот секретар на НАТО Марк Руте најави дека Алијансата има намера да го зголеми своето присуство во Балтичкото Море по инцидентот со електричниот кабел што ги поврзува Финска и Естонија.
„Разговарав со финскиот претседател Александар Стуб за финската истрага за можна саботажа на подводни кабли. Изразив целосна солидарност и поддршка. НАТО ќе го зголеми своето воено присуство во Балтичкото Море“, напиша Руте на мрежата Х по средбата со финскиот претседател.
Тој најави и дека со финскиот лидер разговарал за напредокот на истрагата за инцидентот.
Финскиот електроенергетски оператор „Фингрид“ на 25 декември објави дека интерконекторот „ЕстЛинк 2“ меѓу Финска и Естонија е исклучен. Причината за дефектот е непозната.
Финската полиција соопшти дека истражува дали во случајот е вмешан странски товарен брод. Компанијата „Фингрид“ соопшти дека во моментот на прекин на кабелот во близина имало два брода.
ИЗДВОЕНИ
Вевчанци го избркаа злото и ги запалија маските!
Платениците на Вагнер за нив се „гола вода“ – Украинците ја открија вистината за војниците на Северна Кореја: „Едниот трча и одвлекува внимание, другиот пука“
Пуштена во употреба експресната делница Градско-Дреново
Мисијата „Балтичка стража“ има само една цел: НАТО итно започнува операција на северот на Европа
