Нови пожари избувнаа во Националната шума во Лос Анџелес, на нерамен терен над лабораторијаta на Националната вселенска агенција (НАСА) и тие се гаснат. Лабораторијата на НАСА е веќе затворена, поради пожарот во Итон.
Областа каде што избувна новиот пожар е популарна за пешачење, во близина на Милард Фолс, јави Би-Би-Си.
Според соопштението на Канцеларијата на шерифот во Лос Анџелес, досега загинале 16 лица во повеќето пожари кои горат во околината на градот од минатиот вторник, додека најмалку 16 лица се уште се водат како исчезнати.
Како што објави Лос Анџелес Тајмс, градските власти соопштија дека во текот на ноќта уапсиле уште 29 лица во пожарните зони, вклучително и еден осомничен за кражба кој не бил облечен како пожарникар.
Гувернерот на Калифорнија Гевин Њусом изјави дека 72 пожарникари од Мексико пристигнале во Лос Анџелес за да помогнат во гаснењето на пожарите.
Пожарникарите продолжуваат да се борат со шумските пожари во областа на Лос Анџелес, во Пацифик Палисадес, Итон, Кенет и Херст.
ИЗДВОЕНИ
Како вештачката интелигенција ги гледа границите на Европа во 2050 година?/ФОТО
„Како трајно да го избришете Фејсбук“: Корисниците масовно ги бришат профилите
„Таму живеев над 10 години“: Изгоре домот на Раде Шербеџија во Лос Анџелес
Зошто Европа се плаши од слободата на говорот на Фејсбук и Инстаграм? Потегот на Цукерберг предизвика бурни реакции во Брисел и Лондон
