Шведска ќе испрати воена помош во вредност од 13,3 милијарди шведски круни (1,25 милијарди евра) за Украина, нејзиниот најголем пакет досега, за да помогне во војната против руската инвазија, објави денеска владата на оваа земја.
-Шведска ја поддржува Украина со нејзиниот 16-ти пакет помош, нејзиниот најголем досега вреден 13,3 милијарди круни, изјави за новинарите вицепремиерката Еба Буш.
Вицепремиерот Еба Буш рече дека пакетот „се состои од опрема која е на врвот на листата на приоритети на Украина“ и вклучува противвоздушна одбрана, артилериска муниција и оклопни возила.
Шведскиот министер за одбрана Пол Јонсон повтори дека земјата засега ја отфрли можноста за испраќање авиони ЈАС 39 Грипен (JAS 39 Gripen) од шведско производство во Украина, велејќи дека фокусот на украинската страна е на спроведувањето на програмата Ф-16.
