По завршувањето на скијачката сезона во Светскиот куп, Италијанката Федерика Брињоне ја скрши ногата. Оваа 34-годишна скијачка доминираше сезонава, беше прва во генералниот поредок, но падна на трката од државниот шампионат, на која и не мораше да се појави. Сега првпат се огласи по драматичниот пад, кој ги загрижи сите.

  • Операцијата мина добро, би рекла, дури и подобро од очекуваното. Потврдена е тешка скршеница, со оштетување на капсуларниот лигамент на средниот дел, но и на предните вкрстени лигаменти на коленото. Операцијата на коската помина добро, поставивме плоча со завртки – изјави хирургот Андреа Панчери, претседател на италијанската Скијачка федерација, пред лекарската комисија на италијанската агенција „Ансу“.

Токму тој ја оперираше Брињоне во клиниката „Ла Мадонина“ во Милано. По најголемиот успех во кариерата, Федерика не криеше колку е потресена од овие случувања, особено што сега сериозно е загрозено нејзиното појавување на Зимските олимписки игри, кои ќе се одржат во Италија, во 2026 година.

  • Во најсреќниот момент од мојата кариера, навистина не беше потребно. Едвај чекав следниот месец да ги завршам моите последни обврски. Место тоа, ме чека нов предизвик. Како и секогаш, ќе дадам сè од себе. Бев добро. Ако можев повторно да скијам, ќе направев сè исто, само што ќе се обидев да го избегнам падот – истакна Федерика Брињоне, која ќе мора да одмора од шест до осум месеци.

 

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ