За погребот на папата Франциско се очекува во сабота наутро на плоштадот Свети Петар во Ватикан да присуствуваат над 200.000 луѓе, оцени Комитетот за јавен ред и безбедност на префектурата Рим на седницата со која претседаваше италијанскиот министер за внатрешни работи Матео Пјантедоси.
Во Рим се очекува да пристигнат најмалку 100 странски делегации.
Како што е најавено, повеќето странски делегации ќе пристигнат во Рим во сабота и ќе заминат во текот на денот, додека американскиот претседател Доналд Трамп се очекува да пристигне во Рим во петок.
Папата Франциск, роден како Хорхе Марио Бергољо во Буенос Аирес, Аргентина, беше првиот папа од Латинска Америка.
Тој почина на 21 април на 88-годишна возраст, а директорот на Управата за здравје и хигиена на Ватикан – Андреа Аркангели објави дека папата починал од мозочен удар и срцева слабост.
Како што соопшти Канцеларијата за литургиски настани во Ватикан, тој ќе биде погребан во сабота на 26 април.
ИЗДВОЕНИ
Палевски со контра аргументи на доказите на ОЈО
Голема полициска акција: Се апсат доктори, адвокати, врабoтени во ПИОМ кои со лажни дијагнози овозможувале туѓа нега и инвалидски пензии
Церемонија во Ватикан: Ковчегот со телото на папата Франциск е пренесен во базиликата Свети Петар
Граѓаните сами да ги читаат броилата за да не плаќаат астрономски сметки за струја
