Апсолутниот светски шампион во бокс, во полутешка категорија Русинот Дмитри Бивол заработи 2,7 милиони долари за реваншот против сонародникот Артур Бетербиев и може да заработи уште 8 милиони долари за борбата против Американецот Давид Бенавидез. Ова го соопшти првиот човек на Светскиот боксерски совет (ВБЦ), Маурицио Сулејман.
Во февруари оваа година во Ријад Бивол со мнозинска одлука го победи Артур Бетербиев и ги освои титулите на неговиот сонародник ВБЦ, ВБО, ИБФ, ВБА Супер и ИБО во полутешка категорија. Бетербиев победи во првата борба, обединувајќи ги појасите и стана апсолутен светски шампион.
„Бивол заработи 2,7 милиони долари за реваншот против Бетербиев. Сега му се нудат 8 милиони долари за борбата со Бенавидез. Така што ова е одлична можност за Бивол”, изјави Сулејман во интервју за Јутјуб каналот „Бокс војс.“
Бивол (34) има 24 победи и еден пораз во професионалниот ринг. Бенавидез (28) има биланс од 30 победи во 30 борби.
ИЗДВОЕНИ
„Пееме за Кочани“: Хуманитарен концерт на Тамара Тодевска
МЗ: Нема нови хоспитализирани од пожарот во Кочани, екстубирани двајца пациенти кои се лекуваат во Солун поради подобрување на состојбата, 4 пациенти од странство пуштени на домашно лекување
Јаневска: Училиштата се безбедни, децата се на сигурно
На истражните органи им е предадена целата медицинска документација за пожарот во Кочани
