Дагестан е земја која изминативе години „роди“ еден куп УФЦ – борци, претешно шампиони, како што се пензионираниот шампион Хабиб Нурмагомедов, актуелниот Ислам Махачев, шампионот во полутешка категорија Магомед Анкалаев, како и братучедите на Хабиб, Умар и Усман Нурмагомедови.
Иако вади исклучително успешни борци, оваа држава во Русија, лоцирана во источна Европа покрај Каспиското Море, е преполна со дрога.
За сето ова, зборуваше и поранешниот дагестански кик-боксер и мај-тај борец, Џабар Аскеров. Освојувачот на бројни титули раскажа како сонародникот и кикбоксер Алаверди Рамазанов му рекол дека младите Дагестанци консумираат помалку алкохол од претходните генерации.
- Можеби помалку пијат, но сериозен проблем е зависноста од дрога. Мораме да се бориме со тоа, ситуацијата е алармантна. Ќе се извлечеме со Божја помош. Слушнав приказни од кои ми се крева косата. Ситуацијата е далеку од посакувана, рече Аскеров.
Во Дагестан живеат околу 3,1 милион луѓе поделени на повеќе од 30 етнички групи, кои имаат 14 официјални јазици. Таа е една од јазично и етнички најразновидните области во светот.
Едно социолошко објаснување за нивните вештини во борење и ММА е дека специфичните културни услови помагаат да се создаде боречки менталитет. Дагестанците, како и Чеченците, се главно тврдокорни муслимани израснати во воинствен дух и често се сметаат себеси за воини.
Ова веројатно им ги олеснува геополитичките услови на постојани напади и внатрешни војни со околните народи, без разлика дали тоа се внатрешни конфликти, странски инвазии или двете војни што Ичкерија, дел од Чеченија, ги водеше со Русија.
Идеалот на маж во овие земји е далеку од западниот и тие се многу традиционални во тој поглед. Од мали нозе момчињата се воспитуваат да бидат бестрашни, никогаш да не покажуваат слабост и да се борат до самиот крај.
Стандардот во овие земји е низок, што ги прави особено тешки, а спортот е често единственото средство за заработка повеќе пари. Повеќето борци биле одгледувани во села на голема надморска височина, во тенок и слаб воздух со кислород, што им дава доза на издржливост во борба и способност да притискаат и нападнат кога нивниот противник се заморува.
