Ракометниот бундеслигаш Вецлар, му најде наследник на тренерот Франк Карстенс, кој летово го напушта клубот. Тоа е Момир Илиќ, кој од јули 2025 година ќе биде нов тренер на овој клуб. Со доведувањето на 43-годишниот специјалист, клубот во зелено-бели бои го направи вистинскиот потег. Илиќ повеќе од една деценија беше еден од најдобрите ракометари во светот (ја заврши кариерата во 2019 година), а во 2023 година беше примен во „Куќата на славните“ на Европската ракометна федерација (ЕХФ). Неговиот договор со германскиот клуб беше потпишан на две години, до летото 2027 година.
„Момир има неверојатно искуство како играч и е желен да ги покаже своите тренерски способности во Бундеслигата. Среќни сме што, и покрај другите понуди, вклучително и оние од Бундеслигата, успеавме да го донесеме кај нас“, изјави директорот на Вецлар, Бјорн Сеип.
