МНТ со претставата „Народен пратеник“ на „Стериино позорје“ во Нови Сад

Македонскиот народен театар со претставата „Народен пратеник“ од Бранислав Нушиќ, а во адаптација и режија на Егон Савин, ќе настапи на 70. „Стериино позорје“ во Нови Сад.

Овогодишното „Стериино позорје“ ќе се одржи од 26 мај до 3 јуни, под мотото „Создавање историја/менување на иднината“. Покрај МНТ во натпреварувачката програма учествуваат и: Загребачко казалиште младих, Црногорско народно позориште, Атеље 212, Југословенско драмско позориште, Српско народно позориште, Нови Сад и други.

Да потсетиме, последното учество на МНТ беше пред 22 години, на 29 мај 2003 година, со претставата „Павиљони“ од Милена Марковиќ, во режија на Срѓан Јаниќијевиќ. Последните награди, пак, кои ги добива МНТ се на 30. Југословенски театарски игри „Стериино позорје“, Нови Сад, што се одржаа од 26 мај до 3 јуни 1985 година, и тоа: Награда за претстава во целина за „Среќна нова ’49“; награда за режија за Слободан Унковски за „Среќна нова ’49“; награда за актерско остварување на Ненад Стојановски за улогата на Пиги во „Среќна нова ’49“ и награда за сценографија за Динка Јеричевиќ за „Среќна нова ’49“. Следната 1986 година, наградата за особени заслуги ја добива и режисерот Димитар Ќостаров.

Фотограф: Кире Галевски