ММФ предвидува крај на војната во Украина

Меѓународниот монетарен фонд (ММФ) во своето основно сценарио предвидува дека војната во Украина „ќе се смири во последните месеци од оваа година“.

„Иако ризиците остануваат екстремно високи, основното сценарио сепак претпоставува дека војната ќе почне да стивнува во последните месеци од оваа година“, се наведува во документот објавен на веб-страницата на ММФ.

„Пречките предизвикани од продолжувањето на војната, вклучувајќи ги неодамнешните масовни напади на гасната инфраструктура и затворањето на клучниот рудник за јаглен, продолжуваат да влијаат на економскиот раст во 2025 година“, се истакнува во текстот.

Од друга страна, во попесимистичко сценарио, ММФ наведува дека конфликтот би можел да се смири дури во вториот квартал на 2026 година.

Аналитичарите проценуваат дека и Киев и Москва во моментов се обидуваат да добијат што е можно повеќе стратешки предности на теренот пред евентуалното замрзнување на конфликтот. Ова, според експертите, го објаснува интензивирањето на борбите на границата – Украинците се обидуваат да се задржат на упоришта во регионот Курск и напредуваат кон Белогородскаја, додека руските сили ги зајакнуваат операциите во регионот Суми.

Покрај политичко-воените предвидувања, ММФ ги ревидираше и економските прогнози за Украина. За 2024 година, растот на БДП се предвидува од само 2–3%, додека проекцијата за 2026 година е намалена за дополнителни 0,8%.