Млад боксер почина како пoследиците од удрите добиени за време на борба

Трагична вест го погоди боксерскиот свет, откако промоторот Марк Данлоп на социјалните мрежи објави дека починал 28-годишниот ирски боксер Џон Куни. Тој беше однесен на интензивна нега минатата сабота по поразот од Велшанецот Нејтан Хауелс во салата Алстер во Белфаст. Пред таа борба тој беше непоразен во сите 11 професионални борби.

Куни ја одбрани титулата Селтик во супер перо категорија. Тој загуби во деветтата рунда, а последователно беше откриено дека Куни претрпел интракранијално крварење за време на борбата против Хауелс, а подоцна беше подложен на операција за да се намали притисокот врз неговиот мозок, но не можеше да се опорави.

„Со жалење мораме да објавиме дека по една недела борба за својот живот, Џон Куни почина. Неговите родители и неговата свршеница Емалин им се заблагодаруваат на персоналот во болницата Ројал Викторија во Белфаст кој неуморно работеше за да го спаси животот на Џон и на сите што испратија пораки за поддршка и молитви. Тој беше сакан син, брат и партнер и ќе ни треба цел живот да заборавиме колку беше посебен. Почивај во мир“, напиша Данлоп.