Мјанмар погоден од нов силен земјотрес со интензитет од 5,3 степени

35
EPA-EFE/NARONG SANGNAK

Земјотрес со јачина од 5,3 степени според Рихтеровата скала денеска го погоди јужниот брег на Мјанмар, соопшти Европско-медитеранскиот сеизмолошки институт.

Земјотресот се случил на оддалеченост од околу 142 километри од градот Јангон, а епицентарот на земјотресот бил на длабочина од десет километри.

Минатиот петок, земјотрес со јачина од 7,7 степени според Рихтеровата скала го погоди Мјанмар.

Загинаа повеќе од 3000 луѓе, повеќе од 4.520 беа повредени, а повеќе од 400 се водат како исчезнати, според владејачката воена хунта во земјата.

ИЗДВОЕНИ